ЯАГААД ТОМҮЖИН?
Томүжинг тодорхойлдог хамгийн чухал зүйл бидний итгэл үнэмшил, боловсролыг харах өнцөг. Үүн дээр нэмээд Томүжинг бүрдүүлэгч бүтээлч, хөдөлмөрч, хүсэл эрмэлзэлтэй сурагчдын хүрээлэл. Манай элсэлтийн үйл явц нь бидний итгэл үнэмшил, үнэт зүйлсэд итгэж нэгдэх, бидний хүрээлэлд тохирох сурагчдыг элсүүлэхийг зорьдог. Томүжинг сонгох шалтгаан:
Утга учиртай суралцаж, зүгээр нэг хичээл хийхийн төлөө биш, өөрөөсөө том зорилгын төлөө суралцах боломж. Мэдлэг, ур чадвараа хуримтлуулаад зогсохгүй, хэрэглэх, хийж бүтээх орон зайг олгоно.
Гагцхүү санхүүгийн чадамж эсвэл академик түвшинг бус хүсэл эрмэлзэл, хөдөлмөрч байдал, суурь хүмүүжил, зан характраараа шалгарсан сурагчдын хүрээлэл.
Өөрийн мөрөөдлөө биелүүлж дэлхийн шилдэг их дээд сургуулиудад суралцаж байгаа, нийгэмд эерэг өөрчлөлт түгээж яваа үе үеийн Томүжингийн төгсөгчидтэй нэг хүрээлэлд орох боломж. Анхны өдрөөсөө л тэдний амжилтын түүхүүдээр хөглөгдөж, өөрийнхөө амжилтыг бүтээх замналаа эхлүүлнэ.
7%
Нийт өргөдөл илгээгчдээс тэнцдэг хувь
20%
Нийт сурагчдын 20%-ийг Монгол улсын 21 аймгийн сурагчид бүрдүүлдэг
93.7%
Нийт сурагчдын 93.7% нь тэтгэлэг/санхүүгийн дэмжлэгтэйгээр Томүжинд суралцдаг
ХАУС СИСТЕМ
Томүжин Алтернатив сургуулийн онцлох нэг зүйл бол ХАУС СИСТЕМ. Хүн амьдрал дээр дан нэг үеийнхэнтэй л хамтарч, харилцаад явдаггүй, өөр өөр насны, өөр өөр үеийн хүмүүстэй хамтарч, ойлголцож, тэдний сонирхол, үзэл бодол, ялгаатай байдлыг ойлгож, хүндэтгэх хэрэгтэй байдаг.
Тэгвэл түүнд бэлдэх зорилготой ХАУС СИСТЕМ.
Уламжлалт ангийн системээр биш дээд, доод ангийнхантай холилдсон 8-12-р ангийнхнаас бүрдэх хаус. Монгол оронд ховордсон 8 амьтдаар нэрлэгдэх 8 хаус, тэднийхээ төлөө гэх сэтгэлээ үйлдэл болгож хаус төслөө хамтдаа хийцгээнэ. Урлаг спортоор хоорондоо өрсөлдөж, өөрийн хаусын төгсөгчдөөрөө бахархдаг.
ЦЭН
ЦАА
БӨХӨ
MАЗА
ХАНТ
ИРВЭ
ХАВТ
ЯНГ
ЭЛСЭЛТИЙН ҮЕ ШАТУУД
📝 1-р шат - Цахим элсэлтийн өргөдөл бөглөх
Та admissions.tomujin.edu.mn хаягаар орж, бүртгэл үүгэж:
Элсэлтийн өргөдлийн хураамж ₮60,000-г төлнө.
Элсэлтийн өргөдлийн хураамж төлөгдсний дараа та элсэлтийн порталд нэвтрэх эрхтэй болно.
Порталдаа нэвтэрч та 1-р шатны өргөдлөө илгээх боломжтой.
🪂 2-р шат - Бататгах сорил
Элсэлтийн 1-р шатанд тэнцсэн тохиолдолд 2-р шат буюу бататгах сорилд оролцоно.
Бататгах сорил нь сурагчийн элсэлтийн өргөдөлд тусгагдсан чанар, чадварыг батлах зорилготой.
Бататгах сорилыг Томүжин Алтернатив сургууль дээр биечлэн ирж өгөх ба бэлдэх зүйлс, заавар, сорил өгөх өдрийг имэйлээр болон утсаар мэдэгдэх болно.
Суудал баталгаажуулалт
Тэнцэлтийн хариу авснаас хойш 7 хоногийн дотор суудал баталгаажуулалт хийнэ.
СУРГАЛТЫН ТӨЛБӨР БА ТЭТГЭЛЭГ / САНХҮҮГИЙН ДЭMЖЛЭГ
Сургалтын төлбөр: 29,900,000 төгрөг
Тэтгэлэг/санхүүгийн дэмжлэг: Tаны илгээсэн санхүүгийн дэмжлэгийн өргөдөл болон Санхүүгийн дэмжлэг шийдвэрлэх комиссын тооцсон тооцоолол дээр тулгуурлаж хэрэгцээт санхүүгийн дэмжлэгийг 100% хүртэл олгоно.
Бид хамгийн шилдэг боловсролыг хүн бүхэнд тэгш хүртээмжтэй болгох зорилготой. Тиймдээ ч бид үүсгэн байгуулагдсан цагаасаа хойш тэнцүүлсэн сурагчдынхаа санхүүгийн нөхцөл байдлыг харгалзан үзэж, сургалтын төлбөрөөс төлж чадахгүй хэмжээнээс нь чөлөөлж, санхүүгийн дэмжлэгтэйгээр Томүжиндаа сургадаг.
*Санхүүгийн дэмжлэг авах хүсэлтийг өргөдөл дээрээ илэрхийлж, тусдаа өргөдөл бөглөснөөр шийдвэрлэгддэг.
ТҮГЭЭМЭЛ АСУУЛТУУД
Элсэлтийн талаар
1-р шатанд шалгарсан эсэхийг имэйл хаяг руу явуулах уу?
Тийм ээ, давхар сануулах мэссэж очиж байгаа.
Дүүргийн олимпиадын алт, хошой, хүрэл, нийслэлийн олимпиадын хүрэл медалтай бол Томүжинд ороход давуу тал болох уу?
Сурагч заавал амжилт үзүүлсэн байж Томүжинд орж ирдэггүй, хамгийн гол нь өөрийн хүсэл эрмэлзлэлтэй байх нь чухал. Гэхдээ мэдээж тууштай байж, тодорхой амжилт үзүүлсэн бол давуу тал болох боломжтой
Хичээлийн дүн хамааралтай юу?
1-р шатанд 4 жилийн дүнгийн хуулга авч байгаа. Дүн нь харгалзан үзэх 10 үзүүлэлтийн л нэг юм.
Англи хэлний мэдлэг хэр их хэрэгтэй вэ?
12-р ангийн бүх сурагчид АНУ-ын топ, их дээд сургуулиуд руу өргөдөлдөө бэлдэж явуулдаг. Тийм учраас суурь сайн байх хэрэгтэй. Гэхдээ англи хэлний мэдлэг нь шууд тэнцэх, эсвэл шууд тэнцэхгүй байх шалтгаан болохгүй.
12-р ангидаа элсэн орох боломжтой юу, орж аав ээжийнхээ мөрөөдлийг биелүүлэх хүсэлтэй байна.
7-12-р ангидаа элсэлт авч байгаа тул боломжтой. Гэхдээ аав, ээжийнхээ гэхээсээ илүү өөрийнхөө мөрөөдлийг биелүүлэхийн тулд яваарай.
Бататгах сорил нь яг юугаар авдаг вэ?
Бататгах сорилдоо ирэх үедээ л мэднэ дээ :)
Төлбөр, санхүүгийн дэмжлэгтэй холбоотой
Төлбөрийн мэдээлэл
Сургалтын төлбөр 29,900,000, санхүүгийн өргөдөл бөглөж тухайн гэр бүлийн санхүү дээр үндэслэн санхүүгийн дэмжлэгийн хэмжээ тогтоогддог
Тэтгэлэг яаж өгөх вэ?
Тэтгэлэг/санхүүгийн дэмжлэгийг санхүүгийн дэмжлэгийн өргөдөл дээр үндэслэж тогтооно.
Олон Улсын тэмцээнд амжилт гаргасан тохиолдолд төлбөрийн тэтгэлэг олгох уу?
Тэнцэхэд тодорхой давуу тал болно, санхүүгийн дэмжлэг/ тэтгэлэг дээр харгалзан үзэх боломжтой.
Сургуулийн үйл ажиллагаатай холбоотой
Томүжинд бусад сургуулиас ордоггүй хичээл байдаг юм болов уу?
Мэдээж байгаа. Харилцааны ур чадвар, бизнес судлал, төсөлт хичээлүүд, их сургуулийн бэлтгэл хичээлүүд, зөвлөгөө гээд л байна даа.
Сургуулийн хичээлийн цаг ямар байдаг вэ?
Хичээлийн ерөнхий үйл ажиллагаа 08:30-15:30 хооронд явагддаг. Түүнээс цааш сурагчдын клуб, хөгжүүлэх хөтөлбөр, бие даан өөрийн зүйлсээ хийх гээд Даваа-Ням гарагт 20 цаг хүртэл, багш, асран хамгаалагчийн зөвшөөрөлтэй бол түүнээс оройтож суух боломжтой байдаг.
Хичээлээс гадуурх ямар ямар дугуйлан байдаг вэ?
Сагсан бөмбөг, гарбөмбөг, ширээний теннис, цэнгээнт бүжиг, фитнесс, иога, мутай, усан сэлэлт, бүжиг гэх мэт хөтөлбөрүүд байгаа.
Сурагчдын клубууд байдаг уу?
Сурагчдын сонирхлын 20 гаруй клуб байдаг. Сурагчид өөрсдийн хүсэлтээр клубээ нээх бүрэн боломжтой
Хичээлүүдээ сонгож сурдаг уу эсвэл тодорхой хуваарийн дагуу ордог уу, чөлөөт цаг хэр гарах бол?
Сонгон судлах хичээл байгаа, ихэнхдээ тодорхой хуваарийн дагуу явна. Чөлөөт цаг тухайн сурагчаас л хамаарна даа
Дотуур байр байгаа юу?
Дотуур байр байхгүй, гэхдээ нийт сурагчдын 20% хөдөө орон нутгаас байдаг тул хотод байрлах байргүй сурагч нар сургуулиас нэг багшийн хамт байр түрээслэдэг. Хэдүүлээ , ямар байранд орохоос хамаарч нэг сурагчаас гарах зардал сарын 300-500 мянгын хооронд байдаг.
Хүүхдүүд сургууль дээрээ яаж хонодог юм бол?
Хаусаараа, ангиараа дотносох үйл ажиллагаа хийх үед төлөвлөөд хонож болдог. Мөн их сургууль руу өргөдлөө явуулах үед төгсөх ангийнхан цагаа хэмнэх үүднээс бөөндөө 4-5 хоногоор сургууль дээрээ байрлаж хонодог
Хичээл нь ямар арга барилаар ордог вэ?
Илүү бие даан суралцах чадвар хэрэгтэй. Төсөлд суурилж хичээлүүд явагдана, семинар хичээлүүд мөн ордог.
Сургуулийн автобус явдаг уу?
Сүүлийн 3 жил яваагүй, яагаад гэвэл сурагчид тарсан ч сургууль дээр сууж хичээл, төслөө хийдэг учраас тогтмол цагт харьдаггүй. Тиймээс автобус хэрэглэх сурагчид бага байдаг. Ирэх хичээлийн жил судалгаа авч автобус явах эсэх шийдэгдэнэ.
📞 +976 77773111
💌 admissions@tomujin.edu.mn
